Kidsroom

Nan ta regalonan di Dios, konfiá i duná na nos pa nos por kuida nan i mas importante, lanta nan den e kaminda di Dios. Den Proverbionan 22:6, nos por lesa ku nos mester instruí e mucha den e kaminda ku e mester kana, i asta ora ku e bira bieu e lo no apartá su mes for di dje.
E Palabra di Dios mester ta sentral den e mucha su bida. (Salmo 119:105)

Ta p’esei nos ta traha duru pa:
- Ekipá, edifiká i siña e mucha pa konosé E Palabra di Dios sin reservá nada p’e, pa asina e por tin un fundeshi sólido.
- Guia e mucha pa e krese i bira un kristian fuerte.
- Guia e mucha pa adorá Yehova Dios so.
- Instruí e mucha pa e por stima Yehova Dios ku tur loke e tin den dje.
- Guia e mucha pa e desaroyá su talentonan.