DJADUMINGU SIRBISHI 9:00 A.M / DJAMARS ESTUDIO BIBLIKO 7:30 P.M. / DJABIERNE HUBENTUT 7:00 P.M.

 

 

Registrá pa Health & Wellness Fair 2025

Porfabor inskribí aki pa partisipá na nos tayernan. Inskripshon no ta obligatorio, pero si rekomendabel.

Tur tayer ta grátis i ta tuma lugá na iglesia House of Worship (Erosweg 52).

Registrá aki

Plan di salbashon

“I e testimonio ta esaki, ku Dios a duna nos bida etèrno, i e bida aki ta den Su Yu. Esun ku tin e Yu tin e bida; esun ku no tin e Yu di Dios no tin e bida.” (1 Juan 5:11-12)

Evangelisashon

“Kon anto nan lo invoká Esun, den Kende nan no a kere? I kon nan lo kere den Esun, di Kende nan no a tende? I kon nan lo tende sin un predikadó?” (Romanonan 10:14)

Mishon

“ma boso lo risibí poder ora Spiritu Santu bin riba boso, i boso lo ta Mi testigunan na Jerusalèm i na henter Judea i Samaria, i te na e parti mas alehá di mundu.” (Echonan 1:8)

Bon biní

Kerido ruman, Dios bendishoná bo rikamente. Risibí un saludo di amor di bo sirbidónan.

Nos tin sigur ku segun nos ta buska e boluntat di nos Tata ku ta na shelu, E lo duna nos e deseonan di nos kurason i e bendishonnan ku El a destiná pa nos. Dios a yama nos pa ta e salu di tera, e lus di mundu i un siudat riba seru. Ta El a yama nos pa influensiá i kontagiá e mundu ku Su Palabra. P'esei awe nos ta deklará ku Hesukristu ta Señor di nos bida, di nos famia, di e iglesia i di Kòrsou, i ku nos lo sirbiÉ tur e dianan di nos bida.

Si abo ku a subi e site akí no a risibí Kristu ainda den bo kurason, awe ta e dia pa tuma e desishon akí. E Palabra di Dios ta bisa ken ku invoká e nòmber di Señor, lo ta salbá. RisibiÉ awe den bo kurason i drenta den e goso ku Dios a prepará pa Su yunan. Keda ku e pas di nos Señor.

Senior Pastor Raimy i Arlette Juliet

Un Kurason Limpi

Proskuneo - Un Kurason Limpi
Proskuneo Curaçao ta presentá su kansion nobo titulá "Un Kurason Limpi".
Esaki ta e promé kansion di Proskuneo Curacao su LIVE EP - Den Bo Presensia
Proskuneo - Den Bo Presensia
Proskuneo - Mi Sa Ku Bo Tei
Proskuneo - Kristu Ta Señor Di Tur

“Ma e ora lo yega, i ta awor, ku e adoradónan bèrdadero lo adorá e Tata den spiritu i bèrdat; pasobra ta hendenan asina e Tata ta buska pa ador'E.”
(Juan 4.23)