HOW Radio 90.9 fm ta ofisialmente den aire!

Willemstad- Den un ambiente pekuliar HOW RADIO 90.9 FM a selebrá e echo ku for di djadumingu 24 di mei 90.9 FM ta ofisialmente den aire! Kòrsou ta pasando den momentunan difísil i ta netamente den e tempunan akí HOW RADIO a bin pa kompartí e mensahe di speransa ku Kòrsou tin mester di dje awor mas ku nunka.

Despues di 5 aña operando komo un radio “online”, dia 22 mart último, den pleno periodo di kuarentena, HOW RADIO 90.9 FM a risibí aprobashon pa kuminsá ku su transmishon di prueba. Esaki ta kulminashon di algun luna di preparashon pa asina ofresé Kòrsou un studio di radio ultramodèrno i na nivel, ku kalidat haltu di zonido.

HOW RADIO 90.9 FM ta un radio Kristian ku ta kompartí e Palabra di Dios, músika pa enkurashá i ánima tur oyente i un programashon interesante, edukativo, informativo i variá pa mucha, hóben i adulto. Tur dia nos tin programa LIVE den studio di HOW RADIO. Skucha por ehèmpel “Awe Mainta” tur dia di siman di 8’or pa 10’or, “Orashon pa Kòrsou” ku Pastornan Raimy i Arlette Juliet di djaluna pa djasabra 1’or di mèrdia, “Rejoice!” tur djaluna, djamars, djawebs & djabièrnè 5:30 pm, “Kòktel Infantil” pa nos muchanan tur djasabra mainta 10:30 am i “Pure Talk” spesialmente pa nos hóbennan tur djabièrnè 4:00 pm.  Pa mas informashon di nos programashon i pa bo keda na altura di tur loke nos radio ta ofresé, bo por sigui nos riba nos página di Facebook @howradio.

Ya kaba HOW RADIO 90.9 FM ta gosa di bon sintonia tantu na Kòrsou, Boneiru, Aruba i tambe na Hulanda. Nos ta invitá abo tambe pa sintonisá HOW RADIO 90.9 FM i eksperensiá pa bo mes kon e atmósfera rondó di bo ta kambia. Nos puntonan di kontakto ta 747-8909 i What’s app 511-5342. Skucha HOW RADIO 90.9 FM, kaminda Kristu ta Señor!