DJADUMINGU SIRBISHI 10:00 A.M / DJAMARS ESTUDIO BIBLIKO 7:30 P.M. / DJABIERNE HUBENTUT 7:00 P.M.

MISHON

Nos ta kere ku tur kristian ta yamá pa hiba E Bon Notisia. Esaki ta un mandato ku nos a haña di Hesus kaminda El a bisa nos: “Pesei, bai i hasi tur e nashonnan disipel di Mi, i batisá nan den nòmber di e Tata i di e Yu i di e Spiritu Santu, i siña nan pa kumpli ku tur loke mi a ordená boso; i mira, Mi ta ku boso semper, te na fin di mundu. Amèn.” (Mateo 28:19-20)

Komo iglesia nos ta kere ku e kongregashon no por keda será meimei di kuater muraya. E iglesia mester sali i hiba E Bon Notisia pa tur esnan rondó di dje. “Kon anto nan lo invoká Esun, den Kende nan no a kere? I kon nan lo kere den Esun, di Kende nan no a tende? I kon nan lo tende sin un predikadó? I kon nan lo prediká si nan no wòrdu mandá? Manera ta pará skirbí: “Ki bunita ta e pianan di esnan ku ta prediká e evangelio di pas, esnan ku ta trese notisianan alegre di kosnan bon!” (Romanonan 10:14-15)


FIESTA KU HESUS - Tur siman Iglesia House of Worship tin evangelisashon ku muchanan den bario di Souax. E tremendo mishon akí yama ‘Fiesta ku Hesus’. Atraves di alabansa, drama, weganan i obra di man e muchanan ta siña tokante di Dios Su Palabra i kon pa nan tin un relashon personal ku Hesus. E mishon a kuminsá na mart di aña 2015 den bario di Souax /Ser’i Kandela i asina el a sigui krese. Tur djaweps atardi di 6or pa 7or, e muchanan di bario di Souax/Ser’i Kandela por bini i disfrutá di e dushi ‘Fiesta ku Hesus’.

MISHON HAITI - Na aña 2011, Iglesia House of Worship a bai Haiti pa sera konosí ku e mishon Haitian Christian Mission (HCM). E promé bishita akí tabata e komienso di un bunita amistat ku e mishon akí. Tur aña Iglesia House of Worship ta bai ku un grupo di mishonero na Haitian Christian Mission pa bai yuda ekipá i edifiká nos rumannan na Haiti, pa medio di Vacation Bible School (VBS), kampañanan evangelístiko, presentashonnan den barionan, partimentu di kuminda, kurso pa lidernan i hopi mas.


"ma boso lo risibí poder ora Spiritu Santu bin riba boso, i boso lo ta Mi testigunan na Jerusalèm i na henter Judea i Samaria, i te na e parti mas alehá di mundu." (Echonan 1:8)
ESTUDIO BIBLIKO