“Hancha bo espasio di biba, habri paña èkstra pa traha tènt, no spar tela. Hasi kabuyanan mas largu, pega pènchinan bon pegá. Pasobra bo ta bai hancha di tur banda. Bo yunan lo poderá di teritorio di pueblonan strañero i bolbe pobla siudatnan bandoná.” (Isaias‬ ‭54:2-3‬)

Esaki ta palabranan ku a resoná for di aña 2014. Dios tabata preparando Kòrsou pa hiba E Evangelio i stablesé un kas di adorashon na Hulanda.‭‭

Pa e responsabilidat grandi akí, Dios a skohe pastor Chesron i Juraima Richardson pa bai i pastoriá e iglesia. House of Worship Hulanda lo ta un réplika di House of Worship Kòrsou; e mesun vishon, pashon, unshon i kurason pa sirbi e pueblo lo ta presente den e kas akí. E lo ta un kas di refugio kaminda hendenan lo bini i haña siñansa sano i firme den Señor.
Den aña 2016, House of Worship Hulanda ta bira realidat i lo ta den Zuid di Rotterdam.